SPB - 5 years have gone...

 🎵நெஞ்சிலிட்ட கோலமெல்லாம் அழிவதில்லை🙏

இந்த ஒரு நாள் ஒவ்வொரு வருடமும் வராமல் போனால் என்ன என்று தோன்றும் அளவுக்கு ஒரு வெறுமை, ஒரு இயலாமை இதயத்தை கனமாக பற்றிக்கொள்கிது... 

நாள் முழுதும் வேலையில் மூழ்கியிருந்தாலும், அந்த வேதனை வாட்டிக்கொண்டே தான் இருக்கிறது. பாழான நாளிதென்று பார்த்தவர்கள் கூறவில்லை.

யோசித்துப்பார்த்தால் அவர் மறைவுக்கு முன் கடைசி 10 வருடங்களுக்கு மேல் SPBக்கு சொல்லிக்கொள்ளும் அளவுக்கு தமிழ் சினிமாவில் பெரிய வாய்ப்புகள் இல்லை. அவர் மறையாமல் இருந்திருந்தாலும் அவருக்கு புதிய பாடல்கள் பாடும் வாய்ப்புகள் கிடைத்திருக்க போவதில்லை. அவர் ஏற்கனவே எழுபதுகளிலும் எண்பதுகளிலும் பாடிய அருமையான பாடல்கள்- அந்த விலைமதிப்பில்லாத பொக்கிஷங்கள் நம்மிடம் பத்திரமாக இருக்கின்றன. தினமும் கேட்டுக்கொண்டு தான் இருக்கிறோம். அவரை நேரில் சில நிகழ்ச்சிகளில் பார்த்திருக்கிறேனே தவிர சந்தித்து ஆறஅமர பேசியதில்லை. அவரின் பாடல்களை அவரிடம் சிலாகித்து கரங்களை பற்றி நன்றி கூறியதில்லை. பிறகு ஏன் இந்த பெரும் சோகம்? என்னில் ஒரு பாகத்தை இழந்தது போல் ஒரு தவிப்பு?

விடை கிடைத்தது- நான் miss செய்வது SPBயெனும் பாடகரை அல்ல, SPBயெனும் மனிதரை! சந்திக்காத ஒரு மனிதரின் மறைவு ஒரு பேரிழப்பாகுவது SPBயின் கதையில் மட்டுமே சாத்தியம். அதற்கு காரணம்- வேறு எந்த கலைஞருக்கும் இல்லாத ஒரு visibility SPBக்கு இருந்தது. He was present everyday, everywhere! With a pleasant, casual tone, remarkable recall, reverence towards all artistes, childlike simplicity  and fantastic sense of humour, we could not but be drawn to him! Irresistible!

அவரின் தொலைக்காட்சி பேட்டிகளில் நினைவுகூர்ந்த சுவாரஸ்யமாக தகவல்கள், மேடை கச்சேரிகளின் அவர் செய்த spontaneous improvisations, பாட்டு போட்டிகளில் நடுவரகாக அமர்ந்து  போட்டியாளர்கள் பாடும்போது சிரித்து, ரசித்து,  தட்டிக்கொடுத்து, உச்சி முகர்ந்து உற்சாகப் படுத்தி.. அவர்கள் செய்த பிழைகளைக்கூட மென்மையாக எடுத்துக்காட்டி, அந்த பாடல்களில் நாம் உணராத சின்னச்சின்ன நுணுக்கங்களை அழகாக பாடி காண்பித்து...இப்படி ஒவ்வொரு நாளும் அவருடனே மிக இனிமையாக கழிந்தது. அதுவும் Social media வந்த பிறகு இவையெல்லாம் நாம் மீண்டும் மீண்டும் ரசிக்க கிடைத்தது. 'Simply SPB' என்ற அவரது youtube சேனல் லாக்டவுன் காலத்தில் பெரும் ஆறுதலாக இருந்தது. இதிலெல்லாம் முன்னின்று நம் கவனத்தை ஈர்த்தது அவரின் தன்னடக்கம். For a genius of his stature, his humility was actually absurd, yet so so endearing! சக பாடக- பாடகியர், பாடலாசிரியர்கள், இசையமைப்பாளர்கள், வாத்திய கலைஞர்கள்- எல்லோரிடமும் அவருக்கு பாகுபாபடின்றி மரியாதையும் நேசமும் இருந்தது. 

வேறு பாடகர்கள் தங்களை பாட அழைத்த  இசையமைப்பாளர்களை இம்சித்த, தரக்குறைவாக பேசிய, பாட மறுத்த உதாரணங்கள் பல உண்டு. ஆனால் SPB ஒருத்தரிடமும் பகைமை பாராட்டியதில்லை, ஏளனம் செய்ததில்லை, சிறுமைப் படுத்தியதில்லை. பல பெரிய படங்களுக்கு இசையமைத்த இசைஞானி இளையராஜாவாக இருந்தாலும், ஒரு சின்ன படத்துக்கு (கௌரி மனோகரி) இசையமைத்த இனியவனாக இருந்தாலும், SPBயின் மெனக்கெடல், ஒத்துழைப்பு, ஈடுபாடு, பாடல் ந‌ன்றாக வரவேண்டும் என்ற அக்கறை எல்லாமே  நூறு சதவீதமாகவே இருந்தது. This was a Man!

அந்த வகையில் அவ்வளவாக பிரபலமடையாத இசையமைப்பாளர்களின் இசையில் SPB பாடிய எனக்கு மிகவும் பிடித்த பாடல்கள் சில:

1.படம் 'நீ சிரித்தால் நான் சிரிப்பேன்'

இசையமைப்பாளர்- ஷியாம் - இவரை அதிக பிரபலம் அடையாதவர் என்று சொல்ல மனம் ஒப்பவில்லை. ஆனால் முன்பு அவரை பற்றி எழுதிய போது இங்கு பலருக்கு ஷியாமை தெரிந்திருக்கவில்லை... அதனால் மீண்டும் அவரை நினைவுக்கொள்ள இந்த அழகான பாடல் 🎵💖

https://youtu.be/LLePYBP_I0U?feature=shared

2. படம் 'அன்னப்பறவை'. (1980)

இசை: R. ராமானுஜம். இவர் ஐம்பதுகளிலும் அறுபதுகளிலும் சில படங்களுக்கு இசையமைத்தவரும் அதன் பின்னர் 'எக்கோ' கம்பெனியை அமெரிக்காவில் நடத்தியவருமான R. பார்தசாரதியின் இளைய சகோதரர்.  வாய்ப்புகள் சரிவர கிடைக்காமல் மறைந்துப்போன பெரும் மேதை.

இந்த மனதை வருடும் மெலடியை கேட்டுப்பாருங்கள், ராமானுஜத்தின் மேதாவிலாசங்கள் புரியும்... 🎵💖

https://youtu.be/KIm0bjr_E1U?feature=shared

3. படம் 'பல்லவி இல்லாத பாடல்' (1980- படம் வெளிவரவில்லை)

இசையமைப்பாளர்: N.S.தியாகராஜன் ( மிகவும் பிரபலமான 'மலர்களின் ராஜா' (வள்ளி தெய்வானை/1973), 'தந்தைக்கு ஒரு பிறவி (சமர்ப்பணம்/ 1974) போன்ற பாடல்களுக்கு இசையமைத்தது இவர் தான். அதற்கு பிறகு வாய்ப்புகள் சரிவர அமையவில்லை.

ஒரு பார்வையற்றவனின் குமுறலை, புறக்கணிப்பின் வேதனையை அர்த்தமுள்ள வரிகளில் கொட்டியிருக்கிறார் பாடலாசிரியர் பட்டுக்கோட்டை தண்டாயுதபாணி. அந்த பார்வையற்ற தெருப்பாடகன் பாடும் சூழலுக்கேற்ப ஹார்மோனியக் கட்டைளையே பிரதான வாத்தியத் துணையாய் பொருத்தமாக அமைத்திருக்கிறார் தியாகராஜன். உருகுகிறார்,  உருக்குகிறார் SPB 🎵💖

https://youtu.be/rVRcGOAanf0?feature=shared

4. படம்: 'காற்றுக்கென்ன வேலி' (1982)

இசையமைப்பாளர்: சிவாஜி ராஜா. இவரைப் பற்றி நீண்டு பதிவு பல வருடங்களுக்கு முன் எழுதியிருக்கிறேன். 2003 வாக்கில் என் அத்தையின் ஷெனாய் நகர் வீட்டின் மாடியில் 'சிவாஜி ராஜா' என்று ஒருவர் குடிவந்திருக்கிறார். சங்கீத வகுப்புகள் எடுத்துக்கொண்டிருக்கிறார். சில திரைப்படங்களுக்குக்கூட இசையமைத்ததாக சொல்கிறார் என்று என் அத்தை சொன்னவுடன் ஓடோடி சென்று அவரை சந்தித்தேன். எனக்கு மிகவும் பிடித்த சில பாடல்களை உருவாக்கியவர் ஆயிற்றே! தன்னை திரையுலமே மறந்த போன நிலையில் எப்பொழுதோ அவர் இசையமைத்த பாடல்களை எல்லாம் நான் பாராட்டியதை கேட்டு அவர் கண்களும் உள்ளமும் நிறைந்தன...

காணாமல் போன தன் காதலியை தேடி அலைகிறான் இந்த கதாநாயகன். தனிமை, தவிப்பு, இயலாமை, இழப்பு, சோகம், கோவமென்று உணர்ச்சிக்குவியலாய் SPBயும் தேடித்திரிகிறார்... நம்மையும் அந்த தேடலில் இழுத்து விடுகிறார்! சிவாஜி ராஜாவின் அக்கார்டியன்- அக்காரவடிசல் 🎵💖

https://youtu.be/h2UhWVH9tMk?feature=shared

5. படம்: தணியாத தாகம் (1982)

இசை: A.A. ராஜ். இவர் 'ஒரு தலை ராகம்' படத்தின் இசையமைப்பில் T.ராஜேந்தருடன் இணைந்து பணிபுரிந்தவர். பெரும் மேதை. இவரைப்பற்றியும் முன்பு எழுதியிருக்கிறேன். வெகு சில படங்களுக்கு இசையமைக்கும் வாய்ப்பு பெற்றார். பல தெலுங்கு இசையமைப்பாளர்களுக்கு உதவியாளராகவே இவர் காலம் சென்றது. 2008ல் இவர் மறைந்த போதும் யாரும் கண்டுக்கொள்ளவில்லை. செய்தி அறிந்து என் கண்கள் குளமாயின-  உரிய அங்கீகாரம் கிடைக்காமலேயே, அவரது இசைத்தாகம் தணியாமலேயே விடைப்பெற்ற அந்த கலைஞரை எண்ணி...

பாடலை கேட்டுப்பாருங்கள். நாயகன் பிரிந்து போன தன் காதலியுடன் மீண்டும் சேர்த்து விட இறைவனை வேண்டுகிறான்... SPBயுடன் சேர்ந்து ராஜின் சித்தாரும் கெஞ்சுகிறது!🎵💖

https://youtu.be/EhsLcbyQSZY?feature=shared

6. படம்: சரிகமப (1983- படம் வெளிவரவில்லை)

இசையமைப்பாளர்: ஸ்ரீகுமார். யாரிந்த ஸ்ரீகுமார், இந்த படத்தில் நடித்தவர்கள் யார் என்று எதுவுமே தெரியாமலேயே இலங்கை வானொலியில் ஞாயிறுதோறும் நேயர்கள் வாக்களிக்கும் பாடல் வரிசையில் பல வாரங்கள் முதல் இடத்தை தக்க வைத்துக்கொண்ட பாடல். காரணம்- SPB, of course!🎵💖

https://youtu.be/PkC8WgEQnIk?feature=shared

7. படம்: ஹேமாவின் காதலர்கள் (1985)

இசையமைப்பாளர்: ரவீந்திரன். ஆம், மலையாளத்தில் இசை ராஜ்ஜியம் நடத்திய அதே ரவீந்திரன் தான். 'ஹேமாவின் காதலர்கள்' புகழ்பெற்ற மலையாள இயக்குனர் T.V. சந்திரன் இயக்கிய இரண்டாவது படம். தன் முதல் படம் 'கிருஷ்ண குட்டி'  1981ல் வெளிவந்தவுடன் சந்திரன் ஆரம்பித்த படம் 'ஹேமாவின் காதலர்கள்'. பல வருடங்களாக தயாரிப்பில் இருந்து காலதாமதமாக 1985ல் வெளிவந்தது. 

இந்த பாடல் 1981-1982 வாக்கில் பதிவாகி இருக்கும். அப்பொழுது முன்னுக்கு வந்துக்கொண்டிருந்த ரவீந்திரனின் இசையில் SPB பாடிய அற்புதமான பாடல். ஒரு நதி வளைந்து திரிந்து சலசலவென ஓடுவது போல் சரணத்தை எதிர்பாரா ரம்மியமான திருப்பங்களுடன் எப்படி வடிவமைத்திருக்கிறார் ரவீந்திரன்! 💖🎵

https://youtu.be/8rTKcPy_P4U?feature=shared

8. படம்: ராஜா நீ வாழ்க (1986)

இசையமைப்பாளர்: K.ரவி. பழம்பெரும் இயக்குனர்  C.V. ராஜேந்திரன் இயக்கத்தில் எண்பதுகளின் டாப் ஜோடி பிரபு- அம்பிகா நடித்த இந்த படத்துக்கு இசையமைக்கும் வாய்ப்பு இந்த ரவிக்கு எப்படி கிடைத்து? இந்த படத்தின் எல்லா பாடல்களையும் இயற்றி இசையமைத்திருக்கிறார் இந்த ரவி.

தன் மனைவி கருவுற்றிருக்கிறாள் என்ற மகிழ்ச்சியில் கணவன் பாடும் அழகான பாடல். சரணத்தின் வித்தியாசமான வடிவமைப்பு, நடை மாற்றங்கள் வியக்கவைக்கின்றன. இந்த ரவியின் இசைவெளியில் தான் எத்தனை சௌர்தர்யமான பாதைகள் இருந்திருக்கின்றன! 🎵💖

https://youtu.be/p21gFv8kd2E?feature=shared

9. படம்: ஓடங்கள் (1986)

இசையமைப்பாளர்கள்: சம்பத்-செல்வம். நடிகர் 'குலதெய்வம்' ராஜகோபாலின் மகன்கள். திறமையானவர்கள். முறையாக சங்கீதம் பயின்றவர்கள். ( 'குலதெய்வம்' ராஜகோபாலே ஒரு தேர்ந்த வில்லுப்பாட்டுக்காரர்) ஓடங்களுக்கு பிறகு மேலும் சில படங்களுக்கு இசையமைத்தார்கள். இப்பொழுது சற்று சிரமமான நிலையில் இருப்பதால் SPB Trustலிருந்து மாதாமாதம் உதவித்தொகை அனுப்பப்படுவதாக கேள்விப்பட்டேன்.

இளமையின் துள்ளலும் காதலின் உற்சாகமும் பொங்கி ததும்பும் பாடலிது...SPBயின் கேலியும் கிண்டலும் கெஞ்சலும் கொஞ்சலும் அந்த இளம் இசையமைப்பாளர்களின் பாட்டை பட்டை தீட்டிய வைரமாய் ஜொலிக்க வைக்கிறது🎵💖

https://youtu.be/vtNsNkzzscs?feature=shared

10. படம்: நினைவோ ஒரு பறவை (1986- படம் வெளிவரவில்லை)

இசையமைப்பாளர்: ஜெர்ரி அமல்தேவ். மலையாளத்தில் பல அழகான பாடல்கள் தந்தவர்.

இந்த பாடலை நான் முணுமுணுக்காத நாளே இல்லை. துபாயில் ஒரு நண்பரின் வீட்டில் ஜெர்ரி அமல்தேவை சந்திக்க நேர்ந்தபோது இந்த ஒரு பாடலுக்காக அவர் கரங்களை பிடித்து என் கண்களில் ஒற்றிக்கொண்டேன். அவரும் நெகிழ்ச்சியில் என்னை ஆறத்தழுவிக்கொண்டார்! எல்லாம் அந்த விஷம்மக்கார SPB விரித்த வலை!🎵💖

https://youtu.be/eOHjRa8Y1Cg?feature=shared

அழுகின்ற உள்ளங்களே...

வாழ்க வாழ்கவே…🎵🙏

- Saravanan Natarajan

மென்குரலோனின் முத்துச்சரங்கள்

 

Saravanan Natarajan

optSsnorde12rf37e4au1hlf8t07590g2S4b8 77clp, mme320106i27e4t ·

மென்குரலோனின் முத்துச்சரங்கள்

Part # 1- A Solo

நேற்று P.B.ஸ்ரீனிவாஸின் பிறந்த நாள். அவரை பற்றி இன்னும் என்ன எழுதுவது! அவரை சந்தித்த ஒவ்வொரு முறையும் எனக்கேற்பட்ட சுவாரஸ்யமான அனுபவங்கள், நினைவுக்கூறிய பாடல்களென பல பதவிவுகள் எழுதிவிட்டேன்.

அவரின் பாடல்களை இன்று மட்டுமல்ல, அடிக்கடி நினைத்து பார்ப்பதுண்டு. பல வருடங்கள் பாடிக்கொண்டிருந்தாலும் தமிழை பொருத்தவரை அவரது பொற்காலம் என்னவோ 1961- 66க்கு உள்பட 5-6 வருடங்கள் தான். ஆனால், அந்த குறுகிய காலத்தில், முக்கியமாக மெல்லிசை மன்னர்கள் விஸ்வநாதன்- ராமமூர்த்தி இசையில் PBS பாடிய பாடல்கள் அத்தனையும் தமிழ் திரையிசையின் பொக்கிஷங்கள். அவற்றிலிருந்து நான்கு பாடல்களை உங்கள் கவனதுக்கு கொண்டு வர ஆசைப்படுகிறேன்....

முதல் பாடல் மட்டும் இன்றைய பதவில். வரும் நாட்களில் மற்ற மூன்றையும் ஒவ்வொன்றாக கொண்டாடலாம்.

முதலில் ஒரு சோலோ பாடல். 'காலங்களில் அவள் வசந்தம்', 'சின்னச்சின்ன கண்ணனுக்கு', 'நேற்றுவரை நீ யாரோ', 'கண்களே கண்களே', 'நிலவுக்கு என் மேல்', 'மயக்கமா கலக்கமா', 'மனிதன் என்பவன்', "மௌனமே பார்வையாய்' 'நினைப்பதெல்லாம் நடந்துவிட்டால்' 'பூ வரையும் பூங்கொடியே', 'மாடி மேலே மாடி கட்டி', 'உங்கள் பொன்னான கைகள்', 'நிலவே என்னிடம் நெருங்காதே' .... இப்படி விஸ்வநாதன்- ராமமூர்த்தி/ அல்லது தனித்து விஸ்வநாதன் இசையில் PBS பாடிய வகை- வகையான சோலோ பாடல்கள் தசாப்தங்கள் கடந்து, தலைமுறைகள் கடந்து இன்றும் வானொலிகளிலும் டிவி பாடல் போட்டிகளிலும் அமர்களமாய் வலம் வருகின்றன....

'தென்றல் வீசும்' என்றொரு படம். கல்யாண்குமார், கிருஷ்ணகுமாரி நடிப்பில் 1962ல் வெளிவந்தது. இயக்கியவர் பெரியவர் B.S. ரங்கா. ( கன்னடம், தெலுங்கு, ஹிந்தி, தமிழ் மொழிகளில் பல படங்கள் இயக்கியவர். இவரது வீடு எங்கள் எதிர் தெருவில் தான் இருக்கிறது. அவர் மறைந்து பல வருடங்களாகியும் இன்றும் 'B.S.Ranga' என்ற பெயர் பலகை அந்த பங்களாவின் வெளியே கம்பீரமாக காட்சி அளிக்கிறது)

'தென்றல் வீசும்' படத்தில் விஸ்வநாதன்- ராமமூர்த்தி இசையில் 10 பாடல்கள். அவற்றில் ஒரே ஒரு பாடலைத்தான் PBSஸுக்கு கொடுத்தார்கள். ஒரு பாடல் தான்- ஆனால் எப்பேர்பட்ட பாடல்! எனக்கு மிகவும் பிடித்த கவிஞர் மாயவநாதன் எழுதியது.

//அழகான மலரே அறிவான பொருளே

தெளிவான தெளிவே செஞ்சாந்து மணமே

உன் கண்ணில் என்னை நான் கண்டு கொண்டேன்

என் கண்ணில் மகளே நீ கண்டதென்ன...

விளையாடும் காலோ கவிபாடும் நாவோ

செண்டாடும் கொடியோ நின்றாடும் ஒளியோ

அவள் தந்த பாடல் நான் பாடுகின்றேன்

என் பாடல் போலே உன் பாடல் வேண்டாம்.....//

மனைவியை இழந்த ஒரு ஆண் அழுதுக்கொண்டிருக்கும் தன் சிறு மகளை சமாதானப்படுத்தி உறங்கச்செய்ய பாடும் தாலாட்டாக இருக்கலாம். ( படம் பார்த்ததில்லை). தென்றலாய் வீசுகிறது வசீகரிக்கும் PBSஸின் குரல். இழையிழையாய் இதம், மயிலிறகால் வருடும் மாயம்.....

https://youtu.be/VaBopXeP-pY?feature=shared

SAPTHAPATHI - RATHA THILAGAM

 On the merry-go-round

நேற்று 'சப்தபதி' என்ற பழைய பெங்காலி படத்தை பார்த்துக்கொண்டிருந்தேன். 'மஹாநாயக்' உத்தம் குமார்- 'மஹாநாயிகா' சுசித்ரா சென் நடிப்பில் 1961ல் வெளிவந்த படம். அற்புதமான கதை, அருமையான நடிப்பு.

இரண்டாம் உலகப்போரின் பிண்ணனியில் ஒரு வங்காள இளைஞனுக்கும் ஒரு ஆங்கிலோ இந்திய பெண்ணினுக்குமிடைய மலரும் காதல், பிரிவு, மீண்டும் சந்திப்பது என்று அழகாய் செல்லும் திரைக்கதை. பல இடங்களில் நம் 'ரத்தத்திலகம்' படத்தை நினைவூட்டியது.

'ரத்தத்திலகம்' கவியரசர் கண்ணதாசன் தயாரிக்க, தாதா மிராசி இயக்கத்தில் வெளிவந்த படம். இந்திய- சீன எல்லைப்போர் தான் கதைகளம். நடிகர் திலகமும் நடிகையர் திலகமும் போட்டிப்போட்டு அற்புதமாக நடித்த படம்.

இரண்டு படங்களிலும் கல்லூரி மாணவர்களாக அறிமுகமாகிறார்கள் நாயகனும் நாயகியும். இரண்டிலும் மோதலில் தொடங்கி காதலில் விழுகிறார்கள்.

இரண்டிலும் ஷேக்ஸ்பியரின் 'Othello' நாடகம் இடம்பெறுகிறது. ஆச்சரியம் என்னவென்றால் முழுக்கமுழுக்க ஆங்கிலத்தில் அரங்கேறும் இந்த நாடகத்திற்காக சப்தபதியில் உத்தம் குமாருக்கும் சுசித்ராவுக்கும் டப்பிங் பேசிய அதே உத்பல் தத்தும் ஜெனிஃபர் கெண்டலும் தான் ரத்ததிலகத்தில் சிவாஜிக்கும் சாவித்திரிக்கும் டப்பிங் பேசியிருக்கிறார்கள்!

உத்பல் தத் ( தில்லுமுல்லுவின் ஹிந்தி மூலமான கோல்மாலில் தேங்காய் ஸ்ரீனிவாசன் தமிழில் நடித்த பாத்திரத்தில் கலக்கியவர்) ஒரு மகா கலைஞன். நாற்பதுகளிலும் ஐம்பதுகளிலும் தனது "Little Theatre Group" மூலம் ஷேக்ஸ்பியரின் பல ஆங்கில நாடங்களை அரங்கேற்றியவர்.

ஆங்கில பெண்ணான ஜெனிஃபர் கெண்டல் தன் பெற்றோர் நடத்தி வந்த "Shakespeareana Company" என்ற நாடகக்குழுவோடு உலகமெங்கும் சென்று நடித்துக்கொண்டிருந்தார். கல்கத்தாவில் The Tempest நாடகத்தில் நடிக்க வந்த போது ஹிந்தி நடிகர் சஷி கபூரை சந்தித்து, காதலித்து, மணந்துக்கொண்டார். ஜெனிஃபரும் ஒர் மிகத்திறமையான நடிகை. சிறந்த நடிகைக்கான தேசிய விருதைப்பெற்றவர்.

இதோ ரத்தத்திலகத்தில் அந்த 'Othello' நாடகம். உத்பல் தத்தும் ஜெனிஃபரும் எவ்வளவு உணர்ச்சிகரமாக பேசியிருக்கிறார்கள்! சொந்த குரல் இல்லாவிட்டாலும் ஒத்தெல்லோவாகவும் டெஸ்டெமோனாவாகவும் சிவாஜியும் சாவித்திரியும் இந்த ஆங்கில நாடகத்தில் எப்படி நடித்திருக்கிறார்கள் பாருங்கள்! முகபாவங்களும் உடல் மொழியும்....அடடா...அடடா...

https://youtu.be/lSAcVpljPE0?feature=shared

இன்னொரு ஆச்சரியம்- சப்தபதியில் ஹேமந்த குமார் இசையில் பாடலாசிரியர் கவுரிபிரசாத் மஜூம்தார் எழுதிய ஒரு ஆங்கில பாடல் இடம்பெற்றிருந்தது. திரையில் சுசித்ரா சென் பாடி நடனமாடுவதாக மயமாக்கப்பட்ட இந்த பாடலை சூசி மில்லர் என்ற ஆங்கில பாடிகியை கல்கத்தாவுக்கு வரவழைத்து பாடவைத்திருந்தார்கள். பாடல் இதோ:

https://youtu.be/mHHcQrrCEHA?feature=shared

ரத்தத்திலகத்திலும் அதே சூசி மில்லரின் குரலில் அதே பாடல் இடம்பெற்றது!

https://youtu.be/c4TeKP3UwkY?feature=shared

ஆனால்.... ரத்தத்திலகம் டைட்டிலில் சூசி மில்லரின் பெயர் இடம்பெறவில்லை!

- Saravanan Natarajan

https://www.facebook.com/saravanan.natarajan.319/posts/pfbid029xAGAfxECq8xXHyUv6yD4zJ2RJwHpLiqwVpRjU5XVkQMis9ch1MTnYwzXcW64WMGl

PBS VOICE FOR SIVAJI

 'பொன்னொன்று கண்டேன் பெண் அங்கு இல்லை' பாடல் பதிவானப்பின் அதை ரசித்து கேட்ட நடிகர் திலகம் சிவாஜி கணேசன், PBS பாடிய வரிகள் தனக்கு வாய்த்திருக்கலாமே என்று சொன்னாராம். இதை நான் TMSசை அவர் குறைத்து எடைபோட்டதகாக நினைக்கவில்லை... PBS இன் குரல் ஜாலம் அப்படிப்பட்டது. 

ஒரு முறை நான் பட்டியலிட்டப்போது சிவாஜி கணேசனுக்கு TMSசை தவிர 23 பாடகர்கள் பாடியிருக்கிறார்கள் என தெரிய வந்தது. ஆனால் நடிகர் திலகமென்றாலே நம் நினைவில் உடனே வருபவர் TMS தானே.... அத்தகைய ஈடில்லா கூட்டணி அது.

சரி, PBSசுக்கு வருவோம். துபாயில் இருந்த காலகட்டத்தில் ஒவ்வொரு முறை விடுமுறைக்காக சென்னை வரும்போதும் அவரை சந்தித்து பேசும் வாய்ப்புகள் எனக்கு அமைந்தது நான் பெற்ற பெறும் பேறு.  அவருடன் எனக்கு உண்டான கடைசி சந்திப்பில், 'நடிகர் திலகத்துக்கு நீங்கள் ஏன் ஓரிரு பாடல்கள் தவிர அதிகம் பாடவில்லை?' என்று கேட்டேன்... 'சிவாஜிக்கு TMS தான் பொருத்தமானவர்!' என்று புன்னகைத்தவாரே பதிலளித்தார். 

நானும் விடாமல் 'ஏன், 'கண்டேனே உன்னைக் கண்ணாலே' (நான் சொல்லும் ரகசியம்), 'எங்கும் சொந்தமில்லை' (புனர்ஜென்மம்) போன்ற பாடல்களில் சிவாஜிக்கு உங்கள் குரல் அழகாக பொருந்துவதாக எனக்கு படுகிறதே?' என்று கேட்டேன்.

கண்ணாடிக்கு பின்னால் அவர் கண்கள் ஆச்சரியத்தில் விரிவது தெரிந்தது. சிரித்துக்கொண்டே சொன்னார் 'உங்களுக்கு படலாம்... இத்தனை வருடங்களுக்கு பிறகு அப்பாடல்களை நினைவூட்டியதற்கு நன்றி!.... ராமநாதனுக்கும் சலபதி ராவுக்கும் சிவாஜி சாருக்கு என்னையும் பாட வைத்து பார்ப்பதற்கு மனமிருந்தது. அதற்கு பிறகு அத்தகைய வாய்ப்புகள் அமையவில்லை... '

சற்று நேரம் அவர் சொன்னதை அசை போட்டுக் கொண்டிருந்தேன். பின்பு வேறு பாடல்களைப் பற்றியெல்லாம் பேசிவிட்டு நான் அவரிடம் விடைபெற எழுந்தபோது PBS அவருடைய குறும்பான புன்னகையுடன் சொன்னார் 'சிவாஜி கணேசனுக்கு இன்னுமொரு பாடல் பாடியிருக்கிறேனே... அடுத்த முறை வரும்போது கண்டுபிடித்து சொல்லுங்கள் பார்க்கலாம்!' 

துபாய் திரும்பியதும் சிவாஜிக்கு PBS பாடிய மற்றுமோர் பாடலை என் இசை சேகரிப்புகளில் தேடினேன். இணையத்தளங்களில் தேடினேன். எங்கும் கிடைக்கவில்லை. 

ஒரு வெள்ளிக்கிழமை மாலை சுதாகர் என்ற தெலுங்கு நண்பர் எங்களை அவர் வீட்டிற்கு அழைத்திருந்தார். அவருடைய தாயார் அப்பொழுது இந்தியாவிலிருந்து வந்திருந்தார். இரவு விருந்தின் போது சுதாகரின் தாயார் பக்கத்தில் அமர்ந்திருந்திருந்தேன். அவர் பார்த்துக்கொண்டிருந்த ஜெமினி தொலைக்காட்சியில் பழைய தெலுங்கு பாடல்கள் வந்துக்கொண்டிருந்தன... அப்பொழுது திடீரென்று இந்தப்பாடல் வந்தது... நான் உணவையும் மறந்து, ஆச்சரியத்தில் உறைந்து போனேன்....

PBSசின் கேள்விக்கு நான் சற்றும் எதிர்பாராத விடை கிடைத்து விட்டது. ஆனால் PBS எதிர்ப்பார்த்த விடை இது தானா என்று சரிபார்க்க அடுத்த முறை சென்னை வந்தபோது அந்த மென்குரலோன் இவ்வுலகை விட்டு விடைபெற்றிருந்தார்.... 

-Saravanan Natarajan

https://www.facebook.com/share/p/16xupwcQ8g/

Onam Special

 🎵மலையாளக்கரையோரம் தமிழ் பாடிய குருவிகள்🎵

முகநூலெங்கும் ஓணம் வாழ்த்துக்கள் நிறைந்திருக்கின்றன. எப்பொழுதும் போல் மனது திரையிசையின் பக்கம் துள்ளிச்சென்றது.

தமிழ் படங்களில் மலையாள வரிகள்  இடம்பெற்றிருந்த பாடல்கள் அல்லது கேரள தொடர்புடைய பாடல்கப் ஒவ்வொன்றாக நினைவில் வந்தன.  அவற்றை பட்டியலிட்டால் என்ன என்று தோன்றவே... இதோ... எதோ ஒன்று மறந்து போவதற்குள்... (இந்த பாடல்கள் ஒன்றைக்கூட யேசுதாஸ் பாடவில்லை!)

1. லட்டு லட்டு- அபூர்வ சகோதரர்கள் (1949)

பல மொழிகள் பேசும் படையினரை விதவிதமாக  சமையல் செய்து அவரவர் மொழிகளில் பாடி அவர்கள் கவனத்தை திசைத்திருப்புகிறார் பானுமதி. இதில் மலையாள வரிகளும் வருகின்றன.. 'காலன் ஓலன் எரிசேரி...' என்று கேரள உணவு வகைகளை நாவூரும் வகையில் பாட்டிலேயே பட்டியலிடுகிறார்...

https://youtu.be/6IsdQUhG9hk?feature=shared

2. திராவிடமாம்- நாடோடி மன்னன் (1958)

 நான்கு தென்னக மொழிகளில் பாடல் வரிகள் கொண்ட இந்த பாடலில் மலையாள வரிகளை எழுதியவர் P. பாஸ்கரன், பாடியவர் சாந்தா P. நாயர். 

https://youtu.be/eOE9lcJhRn0?feature=shared

3. அழகான மலையாளம்- வாழ்க்கை வாழ்வதற்கே (1964)... 

பச்சை குத்தும் ஒரு கேரளத்து பெண் தமிழில் பாடும் பாடல்... விஸ்வதாதன்- ராமமூர்த்தி இசையில் L.R. ஈஸ்வரி அழகாக பாடுகிறார்.....

https://youtu.be/27GTkUSMzys?feature=shared

4. சேதி கேட்டோ சேதி கேட்டோ- எதிர் நீச்சல் (1968)

V. குமாரின் இசையில் வாலியின் வரிகளை  S.C.கிருஷ்ணன், P. சுசீலா, ஜமுனாராணி மற்றும்  K. சுவர்ணா பாடுகிறார்கள்

https://youtu.be/uImeB1GLhEg?feature=shared

5. அழகே தமிழே நீ வாழ்க- திருமலை தென்குமரி (1970)

குன்னக்குடி வைத்தியநாதன் இசையமைத்த இந்த படத்தில் வெவ்வேறு மொழிகளை தாய்மொழியாய் கொண்ட பிரயாணிகள் பேருந்தில் போகும்போது பொழுதை கழிக்க அவரவர் மொழிகளில் சில வரிகளை பாடுகிறார்கள். 'கண்ணுகள் பூட்டி' எனத்தொடங்கும் மலையாள வரிகளை மாதுரி பாடுகிறார்.

https://youtu.be/eVqpe4E86u8?feature=shared

6. விருந்தோ நல்ல விருந்து- நீரும் நெருப்பும் (1971)

இது அதே அபூர்வ சகோதரர்கள்- Corsican Brothers- கதை. பானுமதி நடித்த பாத்திரத்தில் ஜெயலலிதா. படையினரை பல மொழிகளில் பாடி ஏமாற்றும் அதே பாடல்காட்சி- மலையாள வரிகளை பாடகர்/ நடிகர் சதனுடன் இணைந்து L.R. ஈஸ்வரி 'குட்டநாடன் புளிசேரி' என்று தொடங்கும்போதே சுவையூட்டும்...

https://youtu.be/nOrWLBnf_00?feature=shared

7. இந்திய நாடு என் வீடு- பாரத விலாஸ் (1973)

(தமிழ் கலந்து) பல மொழிகள் ஒலிக்கும் இந்த பாடலில் 'படைச்சோன் படைச்சோன்' என்றும் மலையாள பாகத்தை மெல்லிசை மன்னரும் ஈஸ்வரியும் பாடுகிறார்கள். திரையில் V.K. ராமசாமியும் ராஜசுலோச்சனாவும்.

https://youtu.be/DnGCsPQjcls?feature=shared

8. மந்தார மலரே மந்தார மலரே- நான் அவனில்லை (1974)- செண்டைகள் முழங்க கதகளி நடனம் போல் நளினமான அசைவுகள் கொண்ட அமர்க்களமான பாடல்- கண்ணதாசனுடன் P. பாஸ்கரனும் இணைந்து இயற்றிய பாடலை பாடியது ஜெயச்சந்திரனும் L.R. ஈஸ்வரியும். 

https://youtu.be/WSx2dyIT46A?feature=shared

9.கரலின்டே கரையே- பாப்பாத்தி (1979) ஜெய்கணேஷ்- ரதிதேவி நடிப்பில் வந்து பல(!) காரணங்களால் பிரபலமடைந்த படம். இசை- ஜெயவிஜயா இரட்டையர்கள். (இவர்களில் ஜெயனின் மகன் தான் நடிகர் மனோஜ் K. ஜெயன்). அம்பிலியும் ஷெரீன் பீட்டர்ஸும் பாடும் மென்மையான பாடல்:

https://youtu.be/_JgXV7fP7lA?feature=shared

10. ஞான் ஞான் பாடனும்- பூந்தளிர் (1979) மலையாள பெண்ணாக வரும் சுஜாதாவுக்கு ஜென்ஸி பாடிய பாடல். இளையராஜாவின் அற்புதமான இசைவார்ப்பு:

https://youtu.be/uqWwm_0SNyk?feature=shared

11. ஸ்வரராக ஸ்ருதியோடு- அந்த 7 நாட்கள் ( 1981)

மெல்லிசை மன்னரின் இசையில் ஜெயச்சந்திரன்- வாணி ஜெயராம் குரல்களில்

https://youtu.be/2Et4ZHQbMnA?feature=shared

 12. சப்தசுரதேவி உணரு- அந்த 7 நாட்கள் (1981)

மெல்லிசை மன்னரின் இசையில் ஜெயச்சந்திரன்- ஜானகி குரல்களில்

https://youtu.be/sb65lkOAHA8?feature=shared

13. மெய் சிலிர்க்குது மனம் துடிக்குது- மூக்கணாங்கயிறு (1985) கார்த்திக், விஜி, வனிதா நடித்ததாக ஞாபகம். தமிழ் வரிகளை வாலியும் மலையாள வரிகளை மாங்கொம்பு கோபாலகிருஷ்ணனும் எழுத, மெல்லிசை மன்னரின் இன்னிசையில் மலையாளியான ஜெயச்சந்திரன் தமிழ்வரிகளை பாட, தமிழரான வாணி ஜெயராம் மலையாள வரிகளை பாடுகிறார்:

https://youtu.be/HqZ8TP8AHS8?feature=shared

14. மலையாளக்கரையோரம் தமிழ் பாடும் குருவி- ராஜாதி ராஜா (1989)

மலையாள வரிகள் இல்லையென்றாலும் இந்த பாடலை சேர்க்காமல் இருக்க முடியமா💁‍♂️

https://youtu.be/xoFIgsMm-Ts?feature=shared

15. சுந்தரி நீயும்- மைக்கில் மதன காமராஜன் (1990) 

இளையராஜாவின் இசையில் கமல்- ஜானகி....ஆஹா 💖💖

https://youtu.be/mXlPF2L4pDY?feature=shared

16. குலாவில்லே முத்து வந்தல்லோ- முத்து (1995) 

A.R. ரகுமானின்  G.V. பிரகாஷ் குரலில் ஆரம்பிக்கும் பாடல் உதித் நாராயண், சித்ரா பாட, இடையில்  கல்யாணி மேனனின் வருகையுடன் கேரள கலை கட்டுகிறது

https://youtu.be/GtE1JK8yjVc?feature=shared

17. நெஞ்சினிலே நெஞ்சினிலே- உயிரே (1998)

A.R. ரகுமான் இசையில் வைரமுத்து, கிரீஷ் புத்தஞ்சேரி வரிகளை ஜானகியுடன் M.G. ஸ்ரீகுமார் குழுவினர் பாடுகிறார்கள். 

https://youtu.be/FnQYEdC-Tw0?feature=shared

18. திருவோணம் திருநாளாம்- கவலை படாதே சகோதரா (1998)

இளையராஜா இசையமைத்து சுஜாதாவுடன் பாடும் பாடல்:

https://youtu.be/vHo6URYGqIM?feature=shared

19. மலையாளக்கரையோரம்- அன்பே அன்பே (2003)

பரத்வாஜின் இசையில் கார்த்திக் குழுவினர்.

https://youtu.be/A5LWT0WLZ8A?feature=shared

20. மனசுக்குள்ளே தாகம்- ஆட்டோகிராஃப் (2004)

பரத்வாஜின் இசையில் ஹரீஷ் ராகவேந்திரா, ரேஷ்மி.

https://youtu.be/RtLVOXrEnws?feature=shared

21. தேன் குடிச்ச நிலவு- நான் அவனில்லை (2007)

நரேஷ் ஐயர், தீபா பாடியது

https://youtu.be/SWUa-7ZoqZY?feature=shared

22. ஓமணப்பெண்ணே- விண்ணைத்தாண்டி வருவாயா (2010)

A.R. ரகுமான் இசையில் பென்னி தயாள், கல்யாணி மேனன்.

https://youtu.be/vj2_z1GYXcU?feature=shared

23. ஆரோமலே- விண்ணைத்தாண்டி வருவாயா (2010)

A.R. ரகுமான் இசையில் அல்லயன்ஸ் ஜோசெஃப்/ ஷ்ரேயா கோஷால்.

https://youtu.be/q7OUFE3dw6E?feature=shared

24. சில்லென்ன ஒரு மழைத்துளி- ராஜா ராணி (2013)

G.V. பிரகாஷ் குமார் இசையில் க்ளின்டன் கெரேஜோ, அல்ஃபோன்ஸ் ஜோசஃப், அல்கா அஜித்

https://youtu.be/kQBuN9e_qbU?feature=shared

25. கேரளா போலொரு- கேரள நாட்டிளம் பெண்களுடனே (2014)

S.S.குமரன் இசையில் ஜெஸ்ஸி கிஃப்ட், கல்யாணி மேனன், குமரன்

https://youtu.be/0ruWwql5U1k?feature=shared

26.கேரளச் சேச்சியல்லோ- துணை முதல்வர் (2015)

ஜெய் இசையில் அனுராதா ஸ்ரீராம்

https://youtu.be/sWgDb1wCKGU?feature=shared

27. ஜிமிக்கி கம்மல்- காற்றின் மொழி (2018)

வேலபடின்டே புஸ்தகம் என்ற மலையாள படத்தில் ஷான் ரகுமான் இசையில் வினீத் ஸ்ரீனிவாசன், ரெஞ்சித் உன்னி பாடிய பிரபல பாடல் அப்படியே காற்றின் மொழி படத்திலும் இடம்பெற்றிருந்தது.

https://youtu.be/a8d-Pk7tlco?feature=shared

28. எங்க ஸ்டேட்டு கேரளமானோ- நட்பே துணை (2019)

ஹிப்ஹாப் தமிழா இயற்றி, இசையமைத்து, பாடிய பாடல்

https://youtu.be/CtyIEJIP_zE?feature=shared

29. தும்பி துள்ளல்- கோப்ரா (2022)

A.R.ரகுமான் இசையில் ஷ்ரேயா கோஷால், நிதின் அபயங்கார்

https://youtu.be/dtK-4Oh7qlk?feature=shared

இன்னும் பல பாடல்கள் இருக்கலாம். நினைவில் வரும்போது சேர்த்துக்கோள்கிறேன். 

ஓணம் ஆஷம்ஸகள்💖💖

#songpostsfromme 

- Saravanan Natarajan

https://www.facebook.com/saravanan.natarajan.319/posts/pfbid0274jTdH9iDn8frGGpRABL7ChQW5Qbvs8sNBmQyhCgcjQVWs2EZbTWu4LDLeQwM1FFl

JAYACHANDRAN - VANI JAIRAM

நெஞ்சமொன்றின் நினைவலைகள் # 9

🎵உறங்காத கண்கள்....

உனக்காக ஏங்கும்....

நிலைக்காண நெஞ்சம்....மறுப்பது ஏனோ

மயக்கம் தானோ....🎵

https://youtu.be/_8x8TSZszDA?feature=shared

இன்றோடு வாணிம்மா நம்மை விட்டு பிரிந்து இரண்டு வருடங்கள் பறந்தோடி விட்டன!  அவர் பாடல்களை கேட்டு வளர்ந்தை என்னைப் போல் ஆயிரக்கணக்கான ரசிகர்களுக்கு அவரின் திடீர் மறைவை இன்னும் முழுமையாக ஏற்றுக்கொள்ள முடியவில்லை. அவர் இன்று நம்மிடையே இல்லை என்ற எண்ணம் வரும்போதெல்லாம் இதயத்தில் ஒரு ஈட்டி இறங்குவதுப்போல் ஒரு வலி.

ஒரு சாதாரண ரசிகனான எனக்கு இருபது வருடங்கள் அவருடன் நெருங்கி பழகும் வாய்ப்பு கிடைத்தது. பெரும் பாக்கியசாலி நான். என்னிடம் அவர் காட்டிய பரிவு, வாஞ்சை இதையெல்லாம் எண்ணும்போது கண்களில் நீர் வழிகிறது. அந்த அருமையெல்லாம் தொலைத்துவிட்டு நிற்கிறேன்.

இந்த இரண்டு வருடத்தில் அவரை/ அவரின் பாடல்களை நினைக்காத நாளில்லை. அவருடன் எனது அனுபவங்களை அவ்வப்போது பகிர்ந்து வந்திருக்கிறேன்... இதோ இன்று மீண்டும் ஒரு முறை அந்த நினைவுகளை மீட்டி பார்க்கிறேன்....

என் அபிமான பாடகர் ஜெயச்சந்திரனும் இன்று நம்மிடையே இல்லை. தமிழ் திரையிசையில் A.M. ராஜா-ஜிக்கி, TMS- P. சுசீலா, SPB- S. ஜானகி அந்தந்த காலக்கட்டத்தில் சிறந்த ஜோடிக்குரல்களாக ஆராதிக்கபட்டன.  எனது கணிப்பில் இவர்களுக்கு எந்த தரத்திலும் குறையாமல் எழுபதுகளிலும் எண்பதுகளிலும் வசீகரிக்க ஜோடி ஜெயச்சந்திரன்- வாணி. அப்படியொரு பாந்தமான பொருத்தம் இவர்கள் இணைவில்.  நான் அடிக்கடி முணுமுணுக்கும் பாடல்களில் பல ஜெயச்சந்திரன்- வாணியின் டூயட் பாடல்களே. 

🎵இது அவன் தந்த பது சங்கமே🎵

"You tell this always!" என்றார் சிரித்துக்கொண்டே வாணிம்மா நான் இதை அவரிடம் ஒருமுறை சொன்ன போது. "Perhaps….we were very comfortable working together…he treated me with courteous affection. He had a masculine depth in his voice that was uniquely attractive. And the care he took to ensure that his pronunciation was accurate was particularly endearing….’ Vani ji elaborated. Yes, I thought, their dynamics were in perfect sync. 

"வாணிஜி" என்று ஜெயச்சந்திரன் அன்பாக அழைப்பாராம். பேச்சிலும் செய்கையிலும் மரியாதை கலந்த அன்பு இருக்குமாம். 'A very friendly, simple and affable person.... a gentleman in every way and a singer with whom it was a pleasure to work with!" என்றார். "டேக்" போகும்முன் பாடிப்பார்க்கும் போது ஜெயேட்டனும் வாணிம்மாவும் 'நான் இப்படி பாடுகிறேன், நீங்கள் அதற்கு இப்படி counter கொடுத்தால் நன்றாக இருக்கும்.... இந்த இடத்தில் இப்படி பாடலாம்...." என்று தங்களுக்குள் கலந்தாலோசித்து விட்டு இசையமைப்பாளரிடம் சம்மதம் பெற்று விடுவார்களாம். ' He has a wicked sense of humor and would make me laugh with his spontaneous quips!" என்றார்... பல ஊர்களில் மேடை நிகழ்ச்சிகளில் கலந்துக்கொள்ள ஒன்றாக பயணித்திருக்கார்கள். வானொலி, தொலைக்காட்சி இசை நிகழ்ச்சிகளில் ஒன்றாக பங்குப்பெற்றிருக்கிறார்கள்.

அந்த நாட்களின் இனிமையான ஞாபகங்கள் வாணிம்மாவின் முகத்தில் ஒரு அழகான புன்னகையை வரவழைத்திருந்தது. 

ஜெயச்சந்திரனை சந்தித்த போதும் அவரிடம் வாணிமாவை பற்றி கேட்டேன். அவர் முகத்திலும் உடனே ஒரு புன்னகை. 'ஓ... great artiste! Perfectionist! வாணிஜியோட தான் அதிகமா பாடியிருக்கேன்னு நினைக்கிறேன். பாவம்.... குரல் நல்லா இருக்கும்போதே அவருக்கு திடீர்னு வாய்ப்பு குறைஞ்சு போச்சு. Great injustice!" என்று வருத்தப்பட்டார்.

இதோ சென்னை தொலைக்காட்சிக்காக வைரமுத்து இயற்றி, மெல்லிசை மன்னர் இசையமைப்பில் வாணிம்மாவும் ஜெயேட்டனும் திரையில் தோன்றி பாடிய 'கண்ணுக்கு மை அழகு'. 

https://youtu.be/2bu05Rn_7mw?feature=shared

தமிழைப்போலவே அதே 70, 80 களில் மலையாளத்திலும் கன்னடத்திலும் கூட ஜெயசந்திரன்- வாணி ஜெய்ராம் குரல்களில் பல அருமையான டூயட் பாடல்கள் வந்தன. 

எண்பதுகளில் தென்னகமே இப்படி கொண்டாடிய இந்த பாடக ஜோடியை ஒரு நீண்ட இடைவேளைக்கு பிறகு 2014ஆம் வருடம் மீண்டும் ஒன்று சேர்த்து அழகு பார்த்தார் மலையாள இசையமைப்பாளர் கோபி சுந்தர். படத்தின் பெயர் "1983." எண்பதுகளில் நடப்பது போன்ற கதைக்களம்- அதனால் எண்பதுகளின் சாயலில் மெட்டமைத்து, எண்பதுகளில் கோலோச்சிய ஜெயச்சந்திரனையும் வாணி ஜெயராமையும் ஒரு பாடலை இணைந்து பாடவைத்தார். 2014ல் நான் துபாயில் இருந்த போது இந்த பாடல் மலையாள பண்பலைகளில் ஒலிக்காத நாளில்லை. எல்லோர் உதட்டிலும் ஒட்டிக்கொண்டது இந்த "ஓலஞ்சாலி குருவி"

https://youtu.be/9MSxbBWZJn4?feature=shared

இதற்கு பிறகும் 2018ல் வெளிவந்த 'Captain' படத்திலேயும் கோபி சுந்தர் ஜெயேட்டனையும் வாணிமாவையும் இன்னொரு டூயட் பாட வைத்தார். இந்த "பெய்தலிஞ்ச நிமிஷம்" இவர்கள் இணைந்து பாடிய கடைசி டூயட்டாக அமைந்தது.

https://youtu.be/tkWlVU0Ov7g?feature=shared&sfnsn=wiwspwa

சில வருடங்களுக்கு முன் 'Kairali' சேனலில் ஜெயச்சந்திரனின் ஒரு நீண்ட பேட்டி இடம்பெற்றது. அதில் வாணிமா காணொளியில் தோன்றி ஜெயேட்டனை பற்றி பேசினார். அவர் முகம் திரையில் தோன்றியதும் அதை எதிர்பார்க்காத ஜெயச்சந்திரனின் முகத்தில் தான் எத்தனை சந்தோஷம், உற்சாகம்!

https://youtu.be/q7325nxGxk8?feature=shared

சரி, தமிழுக்கு வருவோம். 1976ல் வந்த "மூன்று முடிச்சு" படத்தில் மெல்லிசை மன்னரின் இசையில் தான் ஜெயச்சந்திரன்- வாணி முதல்முதலில் ஜோடி சேர்ந்தனர். இளம் ஜோடி கமல்- ஸ்ரீதேவிக்கு ஜெயச்சந்திரன்- வாணி குரல் அவ்வளவு பொருத்தமாக அமைந்தது. அதற்கு பிறகும் MSV இசையில் இந்த இருவர் பல இனிமையான டூயட் பாடல்களை பாடினார்கள்.

இளையராஜாவின் இசையில் ஜெயச்சந்திரனும் வாணிமா- இருவருக்கும் முதல் பாடல் 'புவனா ஒரு கேள்விக்குறி' (1977) படத்தின் 'பூந்தென்றலே'. K.V. மகாதேவன், சந்திரபோஸ் போன்றோரின் இசையில் சில டூயட் பாடல்கள் வந்தாலும் ஜெயச்சந்திரன்- வாணிக்கு அதிகமாக டூயட் வாய்ப்புகள் கிடைத்தது சங்கர்- கணேஷிடம். 

ஜெயச்சந்திரன்- வாணி ஜெயராம் இணைந்து பாடிய தமிழ் டூயட் பாடல்கள் ஒரு ஐம்பதாவது பட்டியலிடலாம் என்று உட்கார்ந்தேன். 70 வரை பட்டியல் நீண்டு விட்டது. நிச்சயம் இன்னும் இருக்கும். ஞாபகம் வரும்போது பட்டியலில் சேர்த்து விடுகிறேன்.

1. ஆடிவெள்ளி தேடி உன்னை- மூன்று முடிச்சு- MSV

https://youtu.be/oV5DWfkw9Hs?feature=shared

2. வசந்தகால நதிகளிலே- மூன்று மூடிச்சு-  MSV

https://youtu.be/Ol7uZlWkZrM?feature=shared

3. அன்பே உன் பெயரென்ன ரதியோ- இதயமலர்- MSV

https://youtu.be/9WNbU8Pm0Gg?feature=shared

4. சாமத்தில் பூத்த மல்லி- உங்களில் ஒருத்தி- MSV

https://youtu.be/zeKSJJwaF_E?feature=shared

5. திருமுருகன் அருகினிலே- மேயர் மீனாட்சி- MSV

https://youtu.be/9jOlc9wQezg?feature=shared

6. விழியோ உறங்கவில்லை- நீ வாழவேண்டும்- MSV

https://youtu.be/jt5ZpXcRgx0?feature=shared

7. கண்ணன் முகம் காண- ஆயிரம் ஜென்மங்கள்- MSV

https://youtu.be/ft4Xo0rXuYY?feature=shared

8. அமுதத் தமிழில்- மதுரையை மீட்ட சுந்தரபாண்டியன்- MSV

https://youtu.be/5P04L2dVWuY?feature=shared

9. Swing Swing- வணக்கத்துக்குரிய காதலியே- MSV

https://youtu.be/OQidn6gAhXE?feature=shared

10. நான் ராமனைப்போல்- ஆசைக்கு வயசில்லை- MSV

https://youtu.be/IFgMV_cWSoI?feature=shared

11. பாவை நீ மல்லிகை - தெய்வீக ராகங்கள் - MSV

https://youtu.be/HgHncdzVME0?feature=shared

12. மழைக்காலம் பனிக்காலமும்- சாவித்திரி- MSV

https://youtu.be/uooDbYj98z0?feature=shared

13. மன்மதனின் வீணையிலே- அழைத்தால் வருவேன் - MSV

https://youtu.be/rEs1T7FhKbg?feature=shared

14. ஸ்வரராக- அந்த ஏழு நாட்கள்- MSV

https://youtu.be/bsqUx0Mh7SI?feature=shared

15. ஐயாவுக்கு மனசிருக்கு- தீ- MSV

https://youtu.be/UL1ugXVxVdg?feature=shared

16. கண்கள் பேசும்- உண்மைகள்- MSV

https://youtu.be/vZtByk0ttHI?feature=shared

17. மெய்சிலிர்க்குது- மூக்கணாங்கயிறு- MSV

https://youtu.be/hsIkyJL6W3w?feature=shared

18. கையை தந்தேன் ஒட்டிக்கொள்ள - கதை கதையாம் காரணமாம் - MSzv

https://youtu.be/TsLG0zrHEeY?feature=shared

19. வானும் மண்ணும்- வரம்-  MSV

https://youtu.be/0WGiPqtYaZs?feature=shared- MSV

20.  இந்திர லோகத்து சந்திர ஒளியினில்- தாளம் தவறிய ராகம்- MSV 

https://youtu.be/q_aV2-ehMhM?feature=shared&sfnsn=wiwspwa

21. நெறிஞ்சி முள்ளே- நீலக்கடலின் ஓரத்திலே- MSV 

https://youtu.be/J5x4BgN8_X0?feature=shared

22. உந்தன் காவிய மேடையிலே- முறைப் பொண்ணு- MSV

https://youtu.be/WFN5_BDVHBA?feature=shared

23. இரவினில் பனியினில்- நெருப்பிலே பூத்த மலர்- KVM

https://youtu.be/BXZjQIKcrZ4?feature=shared

24. மாளிகையானாலும்- ஆஷா- KVM

https://youtu.be/MiVvHBDwXXg?feature=shared

25. கண்ணில் வந்தாய்- லாட்டரி டிக்கெட்- L. வைத்தியநாதன்

https://youtu.be/VNAQVlyUWDU?feature=shared

26. பூந்தென்றலே- புவனா ஒரு கேள்விக்குறி- இளையராஜா

https://youtu.be/hsKDC_CwbJ8?feature=shared

27. இன்றைக்கு ஏனிந்த - வைதேகி காத்திருந்தாள் - இளையராஜா

https://youtu.be/dzNAD7oIRhE?feature=shared

28. கவிதை கேளுங்கள்- புன்னகை மன்னன்- இளையராஜா

https://youtu.be/Pv3g762tBnQ?feature=shared

29. கதை சொல்லும் சிலைகள்- கராத்தே கமலா- சங்கர் கணேஷ் 

https://youtu.be/vmGLh1KHpLM?feature=shared

30. உன் விழி சொல்லும்- எத்தனை ஜென்மம் எடுத்தாலும்- சங்கர் கணேஷ் 

https://youtu.be/-_rDnTjeCyA?feature=shared

31. ஸ்ரீரங்கனோ ஸ்ரீதேவியோ- மீனாட்சி குங்குமம் - சங்கர் கணேஷ் 

https://youtu.be/hyCjUiKsYJ8?feature=shared

32. உறங்காத கண்கள்- உறங்காத கண்கள்- சங்கர் கணேஷ் 

https://youtu.be/LKDgvUN-UNU?feature=shared

33. பாடு தென்றலே- நெல்லிக்கனி- சங்கர் கணேஷ் 

https://youtu.be/NcX7Y2AzJNQ?feature=shared

34. முத்துரதமோ- பொன்னகரம் - சங்கர் கணேஷ் 

https://youtu.be/wMT3VZYxPb8?feature=shared

35. காதல் மந்திரத்தில்- நேரம் வந்தாச்சு- சங்கர் கணேஷ் 

https://youtu.be/qMcDRD1azEI?feature=shared

36. வயசுப்பொண்ணு தனியே நின்னு- நெஞ்சமெல்லாம் நீயே- சங்கர் கணேஷ் 

https://youtu.be/_tDmBEVCkGU?feature=shared

37. காற்று நடந்தது- துணை- சங்கர் கணேஷ் 

https://youtu.be/Ma80o8td5Ow?feature=shared

38. தேவி என் தேவி நீதானே- வேலி- சங்கர் கணேஷ் 

https://youtu.be/khGDwaFYC-w?feature=shared

39. தேன் பாயும் வேளை- பவுர்ணமி அலைகள்- சங்கர் கணேஷ் 

https://youtu.be/tgS4D3lV0Nk?feature=shared

40. உன் பார்வை தந்த மயக்கம்- காடு- சங்கர் கணேஷ் 

https://youtu.be/u1kwZafsLxQ?feature=shared

41. கலைமாமணியே- பணம் பெண் பாசம்- சங்கர் கணேஷ் 

https://youtu.be/Dv8L0sFf57o?feature=shared

42. காமதேனு கன்னியாக- பால்காரி- சங்கர் கணேஷ் 

https://youtu.be/brKbeanmwVs?feature=shared

43. ஆயிரம் ஜென்மங்கள்- அந்த வீட்டில் ஒரு கோயில் - சங்கர் கணேஷ்

https://youtu.be/JZk8jiS7mGc?feature=shared

44. அஞ்சாறு நாளாச்சு- குரோதம்- சங்கர் கணேஷ் 

https://youtu.be/aTYGRGM9bYQ?feature=shared

45. வஞ்சிக்கொடி நெஞ்சப்படி- சாந்தி முகூர்த்தம்- சங்கர் கணேஷ்

https://youtu.be/ptEq9UF7PkQ?feature=shared

46. சுகமான நேரம்- அலைபாயும் நெஞ்சங்கள்- சங்கர் கணேஷ்

https://youtu.be/XgRkuX8IJuI?feature=shared

47. பூவே சின்னப்பூபே என்ன சேதி- காகித ஓடம்- சங்கர் கணேஷ்

https://youtu.be/0mWuxy9jU-8?feature=shared

48. வா வா என் தலைவா- நன்றி- சங்கர் கணேஷ்

https://youtu.be/ApPWR5_GFnk?feature=shared

49. யாரோ யாரோ - பணம் பத்தும் செய்யும்- சங்கர் கணேஷ்

https://youtu.be/Ycv6leqliPI?feature=shared

50. இந்த கண்கள் ரெண்டும்- பக்கத்து வீட்டு ரோஜா- சங்கர் கணேஷ்

51. நிலவில் பிறந்த முகம்- மாறுப்பட்ட கோணங்கள்- சங்கர் கணேஷ்

https://youtu.be/tXLQiqcWpOM?feature=shared

52. நீரோடை கண்டு- கருப்புசாசட்டைக்காரன்- சங்கர் கணேஷ்

https://youtu.be/qn1-qbPkUY8?feature=shared

53. குறிஞ்சி மலரொன்று- தூக்கு மேடை- சங்கர் கணேஷ்

https://youtu.be/y4olnmHhPpg?feature=shared

54. என்னதான் இந்த மௌனம்- கடவுளுக்கு ஒரு கடிதம்- சங்கர் கணேஷ்

https://youtu.be/PYHTIahixCA?feature=shared

55. ஏழேழு ஜென்மம் எடுத்தாலும்- மீண்டும் சந்திப்போம்- சங்கர் கணேஷ்

https://youtu.be/WxSvcdDHMqQ?feature=shared

56. மல்லியப்பூவ- நடமாடும் சிலைகள்- சங்கர் கணேஷ்

https://youtu.be/j5MOxl7zGhs?feature=shared

57. காவிரி மீன்விழி- செயின் ஜெயபால்- சங்கர் கணேஷ்

https://youtu.be/Ah6BqRiMYII?feature=shared

58. கார்காலம் இது கார்காலம்- இளையபிறவிகள்- சங்கர் கணேஷ்

https://youtu.be/RL_076_ei3s?feature=shared

59. யோகமிது புது யோகமிது- மாப்பிள்ளை சிங்கம்- சங்கர் கணேஷ்

https://youtu.be/JamHKpv6igs?feature=shared

60. உன் பார்வை சுகமானது- ஒரு திசை- சங்கர் கணேஷ்

https://youtu.be/ndLbZ5AyfzY?feature=shared

61. மலர்கள் பனியில் நனையும்- தாயே வருக- தாராபுரம் சுந்தரராஜன் 

https://youtu.be/s6mbfLNs7f0?feature=shared

62. அம்மி மிதிக்கனும்- இவர்கள் இந்தியர்கள் - மனோஜ் கியான்

https://youtu.be/TtlzATcyxVQ?feature=shared

63. இளமையின் நினைவுகள் ஆயிரம்- செல்வாக்கு- சந்திரபோஸ்

https://youtu.be/rAL4wpJWgHA?feature=shared

64. ஊரெங்கும் உன்னை தேடுதோ- கைநாட்டு- சந்திரபோஸ் 

https://youtu.be/lpAem9lFA5M?feature=shared

65. ஆயிரம் விழிகள்- வாழப்பிறந்த பூக்கள்- சந்திரபோஸ் 

https://youtu.be/V7opvRs7v6c?feature=shared

66. கன்னம் கன்னம்- பூவிரியும் புலரி- ஜெர்ரி அமல்தேவ், குணசிங் 

https://youtu.be/W7i4AaC4YRA?feature=shared

67. பூங்குருவி பூங்குருவி- முதல் மனைவி- ஞானதேவன் 

https://youtu.be/mo8fBfbQjoo?feature=shared

68. துவளும் கொடியிடையாள்- கருமையில் ஓர் அழகு- அகஸ்தியர்

https://youtu.be/09Qq8HToPEk?feature=shared

69. பூ மலரும்- கோடுகள் இல்லாத கோலம்- A. தேவராஜா

https://youtu.be/dKzy7MoWFo4?feature=shared

70. நான் மணமகளே- தம்பி தங்கக் கம்பி- கங்கை அமரன்

https://youtu.be/PpomtjNVkKM?feature=shared

ஜெயச்சந்திரன்- வாணி பாடிய பாடல் வரிப்போல "ராகம் தன்னை மூடி வைத்த வீணை" அவர்களின் சின்னமாக இருவரும் இன்று நம்மிடையே இல்லை. "பாடிவா....  பாடிவா" என்று வாணிம்மா  தன்னுடன் சேர்ந்து விண்ணுலகில் பாட தனது ஜோடிக்குயிலை அழைத்துக்கொண்டு விட்டார் போலும்....

#நினைவாலேசிலைசெய்து 

- நினைவலைகள் தொடரும்....

- Saravanan Natarajan 

https://www.facebook.com/saravanan.natarajan.319/posts/pfbid024noR6qcno4FkJWD7REZcZXM9zydYU6g8D7rK9EK5wsQd64V2Dk2LEsSRzoZCB45Jl